Riddara RD6 मूल्य, क्षमता र व्यवहारिकताका आधारमा विश्वकै उत्कृष्ट विद्युतीय पिकअप ।

विश्वव्यापी रूपमा विद्युतीय सवारीसाधनको माग बढ्दो क्रममा, चीनको अटो ब्रान्ड रिडारा RD6 अहिले सर्वश्रेष्ठ विद्युतीय पिकअपका रूपमा चर्चामा आएको छ। यस पिकअपले आकर्षक मूल्य, अत्याधुनिक प्रविधि र उच्च रेंजसहित उपभोक्ताको मन जितिरहेको छ।

रिडारा RD6 एकपटकको चार्जमा करिब ४२४ (NEDC) किलोमिटरसम्म यात्रा गर्न सक्षम छ, जुन यसको प्रमुख आकर्षण हो। शक्तिशाली ब्याट्री र कुशल मोटरले यसलाई पिकअप सेग्मेन्टमा निकै प्रतिस्पर्धी बनाएको छ। यसमा आधुनिक इन्टेरियर, स्मार्ट–कनेक्टिभिटी प्रणाली र पर्याप्त कार्गो स्पेस उपलब्ध छन्, जसले पारिवारिक प्रयोगदेखि व्यवसायिक आवश्यकतासम्म सबैलाई सजिलो बनाउँछ।

साथै, RD6 को डिजाइन वातावरणमैत्री मात्र नभई बलियो र स्टाइलिश देखिने खालको छ। विशेषज्ञहरूले यसलाई आगामी दिनमा अमेरिकी र युरोपेली बजारमा समेत उच्च सफल हुने विश्वास व्यक्त गरेका छन्। अन्य मोडेलहरू जस्तै टेस्ला साइबरट्रक र रिभियनसँग तुलना गर्दा, Riddara RD6 लाई मूल्य, क्षमता र व्यवहारिकताका आधारमा विश्वकै उत्कृष्ट विद्युतीय पिकअपका रूपमा हेरिएको छ।